Бұл кезең онлайн-режимде өткізіледі және кандидаттардың мәтіндік және сандық ақпаратпен жұмыс істеу қабілетін айқындауға мүмкіндік беретін екі тестілеу блогынан тұрады.

Резервтің онлайн-платформасында тестілеуден өту процесі аудио және видео жазбаға жазылады. Кезеңнен өту прокторинг жүйесімен бақыланады. Прокторинг жүргізу барысында кандидат тарапынан бұзушылықтар анықталған жағдайда, бұл кандидат Резервке іріктеуден шығарылуға жатады, ал оның нәтижелері жойылады.

Тестілеуді бастамас бұрын кандидат Пайдаланушы келісімін қабылдап, тестілеуді өткізу тәртібімен танысуы тиіс.

«Мәтіндік ақпаратпен жұмыс істеу қабілетін бағалау» атты тестілеудің бірінші блогына талаптарға сай келетін барлық кандидаттар жіберіледі. Тестілеу кандидат таңдаған күні мен уақытында, оның таңдауы бойынша мемлекеттік немесе орыс тілінде жүргізіледі.

Бұл блок ұсынылған мәтін фрагментін зерделеуге және оның мазмұны бойынша жауап нұсқаларының бірін таңдауға арналған 25 тест тапсырмасынан тұрады.

«Сандық ақпаратпен жұмыс істеу қабілетін бағалау» атты тестілеудің екінші блогына «Мәтіндік ақпаратпен жұмыс істеу қабілетін бағалау» кезеңінде үздік нәтижелер көрсеткен әрбір салалық бағыт бойынша кандидаттардың 50%-ы жіберіледі. Бірнеше кандидаттың нәтижелері бірдей болған жағдайда, жіберілгендердің саны көбейтілуі мүмкін.

Бірінші тестілеу блогының нәтижелері жарияланғаннан кейін кандидаттарға екінші тестілеу блогынан өту күні мен уақытын таңдау мүмкіндігімен Резервтің онлайн-платформасында тіркелу ашық болады.

Екінші блок кестелер, графикалар және диаграммалар түрінде ұсынылған ақпаратты зерделеуге арналған 25 тест тапсырмаларын қамтиды, мұнда кандидат жауап нұсқаларының бірін таңдауы керек. Қажет болса, кандидат қағазды, қарындашты және калькуляторды қолдана алады.

Әрбір тестілеу блогының ұзақтығы – 25 минут. Тестілеу нәтижелері автоматты түрде есептелінеді.

Тестілеу нәтижелері сараланып, кандидаттардың жеке кабинетіне және Резервтің онлайн-платформасына орналастырылады.

Электр қуатының ажыратылуынан туындаған техникалық ақаулар себебінен тестілеуден өту мүмкін болмаған жағдайда, кандидат тиісті тестілеуден өткен сәттен бастап бір жұмыс күні ішінде тестілеуден қайта өту мүмкіндігін беру туралы мәселені шешу үшін Резервтің онлайн-платформасында көрсетілген техникалық қолдау қызметінің байланыс деректері арқылы тұрғылықты жері бойынша энергиямен жабдықтаушы ұйым берген анықтаманы ұсынуға құқылы.

Тиісті кезеңнен қайта өту күні мен уақытын техникалық қолдау қызметі тағайындайды. Кандидатқа кезеңнен қайта өту күні мен уақыты қосымша хабарланады.

Тестілеу рәсімінің ережелері мен шарттары:
1) Тестілеуді бастамас бұрын прокторинг жүйесіне арналған кеңейтімді келесі сілтеме арқылы жүктеп алу қажет:
https://chrome.google.com/webstore/detail/eqyzmet-proctoring/naeiaiklfpgiihmlfdkogjhbakhlkenb
2) Тестілеу кезеңге жазылу кезінде кандидат таңдаған тілдердің бірінде (қазақ немесе орыс) өткізіледі;
3) Кандидат өз тарапынан Chrome браузері бар компьютердің/ноутбуктың, тұрақты және жылдамдығы кемінде секундына 5 мб интернеттің, жұмыс істейтін веб-камера мен микрофонның, жеткілікті деңгейде көрінуге мүмкіндік беретін жарықтың болуын және бөгде дыбыстың/шудың болмауын қамтамасыз етеді;
4) Кандидаттарға өзімен бірге қабылдаушы-беруші электрондық құрылғылардың (оның ішінде ұялы телефондар мен өзге де электрондық жабдықтар), құлаққаптардың, қағаз жеткізгіштердің болуына тыйым салынады;
5) Кандидаттарға жұмыс орнынан тұрып кетуге немесе біреумен келіссөздер жүргізуге тыйым салынады;
6) Осы іріктеу кезеңінен қайта өтуге жол берілмейді.

Бұл кезең онлайн-режимде өткізіледі және мемлекеттік қызметтің ерекшелігін бейнелейтін практикалық кейстерді шешу кезінде кандидаттың басқару шешімдерін қабылдау қабілетін бағалауға бағытталған.

Сандық ақпаратпен жұмыс істеу қабілетін бағалау қорытындысы бойынша осы кезеңге ең жоғары балл жинаған 600-ден аспайтын кандидат (әр салалық бағыт бойынша 100 кандидат) жіберіледі. Бірнеше кандидаттың нәтижелері тең болған жағдайда іріктеудің келесі кезеңіне кандидаттардың көбірек саны жіберілуі мүмкін.

Алдыңғы кезеңнің нәтижелері жарияланғаннан кейін кандидаттарға «Ситуациялық тапсырмаларды шешу» кезеңінен өту күні мен уақытын таңдау мүмкіндігімен Резервтің онлайн-платформасында тіркелу ашық болады.

«Ситуациялық тапсырмаларды шешу» кезеңінен өту процесі Резервтің онлайн-платформасында аудио және видео жазбаға жазылады. Кезеңнен өту прокторинг жүйесімен бақыланады. Прокторинг жүргізу барысында кандидат тарапынан кезеңнен өту кезінде бұзушылықтар анықталған жағдайда, бұл кандидат Резервке іріктеуден шығарылуға жатады, ал оның нәтижелері жойылады.

Ситуациялық тапсырмаларды шешуді бастамас бұрын кандидат міндетті түрде Пайдаланушы келісімін қабылдауы және кезеңнен өту тәртібімен танысуы тиіс.

Ситуациялық тапсырмалар кандидаттар арасында кандидаттың салалық бағытына сәйкес кездейсоқ тәртіппен бөлінеді. Кезеңнің ұзақтығы 45 минуттан аспайды, бұл ретте ситуациялық тапсырманы шешу көлемі 500 сөзден аспауы тиіс.

Электр қуатының ажыратылуынан туындаған техникалық ақаулар себебінен кезеңнен өту мүмкін болмаған жағдайда, кандидат тиісті кезеңнен өткен сәттен бастап бір жұмыс күні ішінде кезеңнен қайта өту мүмкіндігін беру туралы мәселені шешу үшін Резервтің онлайн-платформасында көрсетілген техникалық қолдау қызметінің байланыс деректері арқылы тұрғылықты жері бойынша энергиямен жабдықтаушы ұйым берген анықтаманы ұсынуға құқылы.

Тиісті кезеңнен қайта өту күні мен уақытын техникалық қолдау қызметі тағайындайды. Кандидатқа кезеңнен қайта өту күні мен уақыты қосымша хабарланады.

Жұмыстарды қызметтің тиісті бағыттары бойынша бір мезгілде үш салалық сарапшы бағалайды. Сарапшылар пулы академиялық орта өкілдерінен, мемлекеттік қызметшілер мен бизнес қауымдастық өкілдерінен тұрады.

Жұмыстарды бағалау бес балдық шкала бойынша белгіленген критерийлерге сәйкес Резервтің онлайн-платформада жүзеге асырылады, ал қорытынды баға сарапшылар қойған бағалардың орташа мәнінен шығарылады. Әрбір сарапшыға жұмыстар бағалау үшін кандидаттардың иесіздендірілген деректерімен автоматты түрде бөлінеді. Бұл ретте сарапшылар басқа сарапшылардың бағасын көре алмайды.

Осы кезеңнің қорытындысы бойынша ең жоғары нәтижелерге қол жеткізген 300 кандидат келесі кезеңге жіберіледі. Бірнеше кандидаттың нәтижелері тең болған кезде «Құзыреттерді бағалау» кезеңіне кандидаттардың көбірек саны жіберілуі мүмкін. Егер әрбір салалық бағыт бойынша кандидаттардың саны квотада көзделгеннен аз болған жағдайда, онда қатысушылардың аз санына жол беріледі.

Кандидаттардың нәтижелері кандидаттардың жеке кабинетіне және Резервтің онлайн-платформасына орналастырылады.

«Ситуациялық тапсырмаларды шешу» кезеңінің ережелері мен шарттары:
1) Кезең «Ситуациялық тапсырмаларды шешу» кезеңіне жазылу барысында кандидат өзі таңдаған тілдердің бірінде (қазақ немесе орыс) өткізіледі;
2) Кандидат өз тарапынан Chrome браузері бар компьютердің/ноутбуктың, тұрақты және жылдамдығы кемінде секундына 5 мб интернеттің, жұмыс істейтін веб-камера мен микрофонның, жеткілікті деңгейде көрінуге мүмкіндік беретін жарықтың болуын және бөгде дыбыстың/шудың болмауын қамтамасыз етеді;
3) Кандидаттарға өзімен бірге қабылдаушы-беруші электрондық құрылғылардың (оның ішінде ұялы телефондар мен өзге де электрондық жабдықтар), құлаққаптардың, қағаз жеткізгіштердің болуына тыйым салынады;
4) Кандидаттарға жұмыс орнынан тұрып кетуге немесе біреумен келіссөздер жүргізуге тыйым салынады;
5) Осы іріктеу кезеңінен қайта өтуге жол берілмейді.

Кандидаттардың құзыреттерін бағалау кезеңі екі блоктан тұрады:

• ассессмент-орталық
• құзыреттілік бойынша сұхбат.

«Ситуациялық тапсырмаларды шешу» кезеңінен кейін жіберілген кандидаттарға «Құзыреттерді бағалау» кезеңіне тіркелу қолжетімді болады. Олардың әрқайсысы кезеңнен өту күні мен уақытын таңдай алады. Тіркеу бірінші кезекте толтыру қағидаты бойынша жүзеге асырылады, бұл ретте тіркелмеген кандидаттар бос күндер мен уақыттарға автоматты түрде бөлінеді.

«Ассессмент-орталық» құзыреттерді бағалаудың бірінші блогы Академия базасында офлайн-форматта өтеді және ол мінез-құлық индикаторларының жиынтығы арқылы кандидаттардың бойында белгілі бір құзыреттерді анықтауға және бағалауға бағытталған.

Бірінші блок топтық және жеке жаттығулардан тұрады, олардың барысында кандидаттардың мінез-құлқын сертификатталған сарапшы-бағалаушылар бақылайды. Бір кандидат үшін ассессмент-орталық рәсімінің ұзақтығы 5-тен 6 сағатқа дейін созылады.

Ассессмент-орталықтың нәтижелері бойынша әрбір кандидатқа қысқаша есептер дайындалады, олар кандидаттардың жеке кабинетіне жіберіледі.

«Құзыреттерді бағалау» кезеңінің бірінші блогының нәтижелері жарияланғаннан кейін кандидаттарға екінші блоктан өту күні мен уақытын таңдау мүмкіндігімен Резервтің онлайн-платформасында тіркелу қолжетімді болады.

Нәтижесінде «Құзыреттілік бойынша сұхбат» атты Құзыреттерді бағалау кезеңінің екінші блогына орта баллды ескере отырып, рейтинг бойынша ең жақсы нәтиже көрсеткен 200-ден аспайтын кандидат жіберіледі.

«Ассессмент-орталық» құзыреттерді бағалаудың бірінші блогының ережелері мен шарттары:
1) Рәсім ассессмент-орталықтан өтуге жазылу кезінде кандидат таңдаған тілдердің бірінде (қазақ немесе орыс) өткізіледі;
2) Кандидат белгіленген уақыттан кемінде 30 минут бұрын келіп, офлайн тіркеуден өтуі керек. Кешіккен немесе келмеген жағдайда рәсімнен өтуді басқа уақытқа ауыстыру қарастырылмаған;
3) Рәсім кезінде кандидаттарға өзімен бірге қабылдаушы-беруші электрондық құрылғыларды (оның ішінде ұялы телефондар мен өзге де электрондық жабдықтар), құлаққаптарды, қағаз жеткізгіштерді және басқа да ақпарат көздерін алуға тыйым салынады;
4) Осы іріктеу блогынан қайта өтуге жол берілмейді.

Құзыреттілік бойынша сұхбат жеке тереңдетілген сұхбат форматында жүргізіледі және кандидаттардың ішкі ынта-жігерін және құндылық бағдарларын айқындайтын құзыреттерін анықтауға бағытталған. Сұхбатқа тіркелу ассессмент-орталықтың нәтижелері жарияланған сәттен бастап ашылады және ең үздік нәтиже көрсеткен 200 кандидатқа сұхбатқа тіркелу онлайн-платформада жүргізіледі.

Сұхбат нәтижелері бойынша іріктеудің келесі кезеңі – «Резервке іріктеу жөніндегі сарапшылық комиссиясында кандидаттармен әңгімелесу» кезеңіне ең үздік нәтиже көрсеткен 150-ден аспайтын кандидат жіберіледі.

«Құзыреттілік бойынша сұхбат» құзыреттерді бағалаудың екінші блогының ережелері мен шарттары:
1) Сұхбат кезеңге жазылу кезінде кандидат таңдаған тілдердің бірінде (қазақ немесе орыс) өткізіледі;
2) Кандидат өз тарапынан Chrome браузері бар компьютердің/ноутбуктың, тұрақты және жылдамдығы кемінде секундына 5 мб интернеттің, жұмыс істейтін веб-камера мен микрофонның, жеткілікті деңгейде көрінуге мүмкіндік беретін жарықтың болуын және бөгде дыбыстың/шудың болмауын қамтамасыз етеді;
3) Кандидаттарға өзімен бірге қабылдаушы-беруші электрондық құрылғылардың (оның ішінде ұялы телефондар мен өзге де электрондық жабдықтар), құлаққаптардың, қағаз жеткізгіштердің болуына тыйым салынады;
4) Кандидаттарға жұмыс орнынан тұрып кетуге немесе біреумен келіссөздер жүргізуге тыйым салынады;
5) Осы іріктеу блогынан қайта өтуге жол берілмейді.

«Резервке іріктеу жөніндегі сарапшылық комиссиясында кандидаттармен әңгімелесу» кезеңі (бұдан әрі – Сарапшылық комиссиясы) Агенттікте офлайн-режимде өткізіледі.

Кандидаттарға осы кезеңнен өту үшін Резервтің онлайн-платформасында тіркелу қолжетімді болады, онда Сарапшылық комиссиясы мүшелерімен әңгімелесу кезеңінен өту күні мен уақытын таңдауға болады.

Сарапшылық комиссиясының жұмысы басталардан бір апта бұрын осы кезеңге жіберілген кандидаттар үшін Қазақстан Республикасы Президентінің жанындағы Мемлекеттік басқару академиясының оқытушыларымен сөз сөйлеу сапасын арттыру мақсатында дайындық кездесуі ұйымдастырылады (онлайн немесе офлайн-режимде).

Сарапшылық комиссиясы мүшелерімен әңгімелесу кезеңінде кандидат 5 минут ішінде тиісті саланы, бағдарды немесе қызмет бағыттарын дамыту туралы өзінің көзқарасын таныстыруы қажет. Кандидатқа бөлінген уақыт өткеннен кейін Сарапшылық комиссиясының мүшелері кандидатқа сұрақтар қоя алады, сондай-ақ оның презентациясына пікір білдіре алады.

Сарапшылық комиссиясы отырыстарының қорытындысы бойынша Ұлттық комиссия отырысында қарауға ұсынылатын 100-ден аспайтын кандидаттың тізімі шығарылады.

«Резервке іріктеу жөніндегі сарапшылық комиссиясында кандидаттармен әңгімелесу» кезеңінен өту рәсімінің ережелері мен шарттары:
1) Әңгімелесу кезінде кандидаттарға өзімен бірге қабылдаушы-беруші электрондық құрылғыларды (оның ішінде ұялы телефондар, құлаққаптар мен өзге де электрондық жабдықтарды) алуға тыйым салынады;
2) Осы іріктеу кезеңінен қайта өтуге жол берілмейді.

Ұлттық комиссия отырысының қорытындысы бойынша Резервке саны 50-ден аспайтын кандидатты қабылдау туралы шешім қабылданады.